Closed Compound Words in Urdu

Learn closed compound words in Urdu. In order to learn English, we need to learn its grammar and then various other aspects of English learning such as the proper use of closed compound words. Knowledge of using closed compound words properly will greatly improve your English writing and speaking skills.

انگلش میں کمپاؤنڈ ورڈز کو لکھنے کے کچھ اصول ہیں۔ اگر آپ اپنی انگلش لکھنے کی صلاحیتوں کو بہتر کرنا چاہتے ہیں تو کمپاؤنڈ وردز کو صحیح طرح لکھنے پر توجہ ضرور دیں۔ کمپاؤنڈ ورڈز کے علم اور ان کے صحیح استعمال سے آپ کی لکھائی میں ایک نکھار آ جاۓ گا۔ الفاظ کو جوڑ کر نۓ الفاظ بنانے سے آپ کے پاس مزید الفاظ آ جائیں گے جن کی مدد سے آپ اپنی بات زیادہ واضح اور مؤثر انداز میں سمجھا سکیں گے۔انگلش میں کمپاؤنڈ ورڈز کو لکھنے کے تین طریقے ہیں۔ اس مضمون میں آپ کو بتایا جاۓ گا کہ کمپاؤنڈ ورڈز کیا ہوتے ہیں۔ ان کی کتنی قسمیں ہیں اور ان تین قسموں میں سے ایک closed compound words پر تفصیلی روشنی ڈالی جاۓ گی، مثالوں کی مدد سے۔

اس موضوع پر یہ ویڈیو بھی دیکھیں۔

Compound Words کیا ہوتے ہیں؟

2 یا 2 سے زیادہ words کوجوڑ کر جو ایک نیا word بنا یا جاتا ہے، اسے Compound Word کہا جاتا ہے۔ اس طرح بناۓ گئے compound word کے اپنے الگ معنی ہوتے ہیں۔ عام طور پر یہ 2 الفاظ کو جوڑ کر ہی بناۓ جاتے ہیں۔ کبھی ان کے معنی ان الفاظ سے ملتے جلتے ہوتے ہیں جنہیں جوڑ کر انہیں بنایا جاتا ہے اور کبھی ان سے مختلف۔ دو الفاظ کو جوڑ کر آپ کسی چیز کے بارے میں بہت سی معلومات دے سکتے ہیں۔

مثال کے طور پر دو words ہیں sun اور flower ۔ Sun کے معنی ہیں سورج اور flower کے معنی ہیں پھول۔ لیکن اگر ان دونوں کو ملا کر لکھا جاۓ تو یہ sunflower بن جاۓ گا اور اس کے معنی ہیں سورج مکھی کا پھول۔ اس نئے لفظ کے معنی پچھلے الفاظ سے کچھ ملتے جلتے تو ہیں مگر بالکل ایک نیا لفظ اپنے مخصوص معنی کے ساتھ بن گیا ہے۔

ایک اور مثال دیکھیں foot اور ball ۔ آپ جانتے ہی ہیں کہ foot کے معنی پاؤں ہیں اور ball کے معنی گیند ہیں۔ جب ان دو الفاظ کو جوڑ کر ایک نیا لفظ football بنایا جاتا ہے تو اس سے مراد پاؤں سے کھیلا جانے والا ایک مخصوص کھیل فٹبال ہوتا ہے۔ ہر وہ کھیل جو پاؤں اور گیند سے کھیلا جاۓ فٹبال نہیں ہوتا۔ فٹبال ایک مخصوص کھیل ہے جس کے کھیلنے کے اپنے بین الاقوامی اصول ہیں۔

ایک تیسری مثال ہے brainstorm جو دو الفاظ brain اور storm کے جوڑنے سے بنا ہے۔ آپ جانتے ہی ہیں کہ brain کے معنی ہیں دماغ اور storm کے معنی ہیں طوفان۔ لیکن brainstorm کے معنی دماغی طوفان نہیں ہیں۔ اس کے معنی ہیں کسی چیز پر زیادہ سے زیادہ لوگوں کے خیالات حاصل کرنا۔

Compound words میں شامل الفاظ کا تعلق nouns, verbs, adjectives, adverbs حتیٰ کہ prepositions سے ہو سکتا ہے۔

Compound Words کی قسمیں اور لکھنے کے طریقے

Compound Words کی یہ تین قسمیں ہیں جو اپنی الگ الگ لکھنے کے طریقے سے پہچانی جاتی ہیں:ـ

Closed Form ـ دو الفاظ کو ملا کر لکھا جاتا ہے۔ ان کے درمیان اسپیس نہیں دی جاتی ہے۔
Open Form ـ دو الفاظ کو علیحدہ لکھا جاتا ہے۔ ان کے درمیان اسپیس دی جاتی ہے۔
Hyphenated Form ـ دو الفاظ کے درمیان hyphen لگایا جاتا ہے۔